Руководитель отдела – Бакирова Лайляш Хамитқызы

    Бакирова Лайляш Хамитқызы 1960 жылы Алматы облысы Жамбыл ауданы Самсы ауылында дүниеге келген.   

1982 жылы Абай атындағы Еңбек Қызыл Ту орднені Қазақ педагогика  институтын  бітірген.  « Нұр Отан»  партиясысының мүшесі.

1982 жылы Үңгіртас орта мектебінің химия және биология пәнінің мұғалімі ретінде еңбек жолын бастады .1984-1988 жылдары Үңгіртас орта мектебінің педагог- ұйымдастырушысы, 1988-1995 жылдары Үңгіртас орталау мектебінің  директоры қызметін атқарды  .1995- 2002 жылы Сүйінбай атындағы орта мектебінің химия пәнінің мұғалімі . 2009 жылдары Сүйінбай атындағы орта мектебінің директоры. 2009 жылы Шолаққарғалы селолық округі әкімі аппаратының бас маманы міндетін атқарды.2009-2010 жылдары Жамбыл аудандық білім беру бөлімінің бастығы. 2010-2012 жылы Жамбыл аудандық білім, дене шынықтыру және спорт бөлімінің бастығы. 2002, 2007 жылдары  ҚР БжҒМ құрмет грамоталарымен, «Қазақстан Республикасының тәуелсіздігіне 20 жыл» мерекелік медалімен, және «Қазақстан Республикасының Конституциясына 20 жыл» мерекелік медалімен марапатталған. Жалпы жұмыс өтілі 34 жыл.

Ляйляш Хамитқызының басқарумен Жамбыл ауданының білім беру саласы жаңа белеске шықты, білімді де, білікті басшы ретінде  өзін көрсете ала білді. Аудан мектептерінің  жұмысын қалыпты жүйеге келтіріп,  мұғалімдердің жаңа технологияларды меңгеруге ықпал жасауда. «Мұғалім қызметін тиімді ұйымдастыру, оған бағыт-бағдар беру- білім бөлімінің басшысы үшін еңбекке қол жеткізудің бірден-бір жолы» екенін жақсы түсінетін басшы.

Басшылық іскерлігінің нәтижесінде мектеп оқушылары және мұғалімдері облыстық, республикалық және халықаралық олимпиадаларының және ғылыми-практикалық жобаларының жеңімпаздары атанып, ауданымыздың білім жүйесіндегі көрсеткіштері жоғары деңгейге көтерілуде.

Көпжылдық шығармашылық қызметінің жемісіне орай – ҚР БҒМ «Білім беру ісінің Құрметті қызметкері » төсбелгісінің иегері атанған.

Саяси қоғамдық жұмысқа да белсене  қатысады. Ауылдың әлеуметтік жағдайына үнемі ат салысып жүреді.